Masarap Pakinggan ang Pag-Ibig

Kung naging mabait ba ang madrasta’t kapatid ni Cinderella, mamahalin ba natin siya? Kung di ba kinagat ni Snow White ang mansanas, magugustuhan ba natin siya? Kung si Beast ba ay naging isang karaniwang prinsipe lang, mapapansin ba natin ang kwento nila ni Belle?
 
 
Masarap basahin ang mga kwento ng pag-ibig.

Masarap pakinggan.

Lalo na yung mga kwentong hango sa tunay na buhay, at yung mga nagtatapos ng masaya. Natututo tayong maniwala.
 
 
Pero sa likod ng itinakdang halik. Bago natin marinig yung tatlong salitang gusto nating marinig. Yung mga tao sa likod ng mga kwentong ito, marami silang pinagdaanan. Merong mga magaganda, at merong malulungkot. Masaya yung magaganda, pero ibang klase rin pag malungkot na. Sino ba ang hindi dumaan sa problema? Tungkol sa ex, sa mga kumplikasyon, mga kaibigang di sumasang-ayon, sa drama, lahat ng susubok kung gaano katibay ang pundasyon ng inyong relasyon.

Pero gaano man tayo nasasaktan, nahihirapan sa lahat ng iyon, ito yung mga sangkap na nagpapaganda sa ating kwento ng pag-ibig.
 
Kung sabihin ko sa inyo na ang kwento namin ng kasintahan ko nuon, oo nuon pa,  ay simple lang, nagkakilala, nainlove at nagkatuluyan, siguro mabuburyo kayo. Ako man, mababato. Siguro kung ganun nga ang nangyari, baka halos siyam na buwan na akong single ulit. Pero di ko expected na magkakabalikan ang lahat bago man mangyari ang lahat, Di ko man kinukwento dito, pero ilang beses na akong nalungkot, umiyak, nasaktan at nadepress bago naging kami ulet. At gaya ng ibang pag ibig nalungkot, binaliwala at iniwan ulit. Pero ayus lang. wala akong pinagsisihan, sa huli lahat ng aking pinagdaanan ay nasulit.

Sa mga kwento ng pag-ibig, ang importante lang naman ay tayo ay naniwala, naghanap, nagmahal at lumaban para dito. Pero ung mga ibang kaka-break pa lang, andyan lang sila nagpapaka-bitter at lubos ko naman nauunawaan yun, ung iba nga lang e OA na sa pagkabitter.
 
 
Tungkol doon naman talaga ang mga kwento ng pag-ibig, di ba?

Ito’y para sa mga naniniwala, naghahanap at lumalaban para sa pag-ibig.

 
 
Sa mga naghahanap ng isa sa dahilan para ngumiti. Anjan lang sya, maging bukas lang isip mo sa mga bagay na pepwede na sa pagkakataon at panahon.